事有湊巧

帖嘅內容，主要話南京區大規模嘅夜場，不下十多間，今次出動咗三個警區嘅警力，點解只掃蕩三間場咁少？以北京嘅例子，佢哋嗰晚行動，只用咗一個警區嘅警力，就掃咗十幾間場，包括最大規模嘅「天上人間」，今次南京行動嘅人力調配，明顯浪費。

另外，當地最大規模嘅夜場（比事件中被掃蕩嘅三間夜場規模更大），竟然咁啱喺掃黃行動前幾日突然自動休業，掛出「內部裝修」嘅字樣，結果順利逃過一劫，係事有湊巧，定係有人暗中通風報信呢？

人數唔啱

而最令人難以明白嘅，就係公布嘅違規人員數字，掃咗三間夜場，帶咗幾百人返去協助調查，最後只有11人被刑事拘留，18人受到治安處罰。知情人士都知道，所有嫖客被拉，都係判處治安處罰，而賣淫或組織賣淫者，就會判刑事拘留，三個警區動員幾百人，最後只罰咗29人，係咪少得有啲過分呢？另外，假如判處治安處罰嘅18人都係嫖客，而其餘11人都係囡囡，咁點解又會少咗7個囡囡呢，冇囡囡一齊又點進行賣淫？莫非當中有啲玩兩王一后？種種迹象顯示事件另有內情，難怪啲高層要出嚟解畫啦！