大部分人嘅牙齒都生得算整齊，但有部分人就會生得好疏、外哨或者內斜，今日就同大家講吓牙齒向內斜生嘅女士運程會係點。原來呢種人性格大多內向，主要係應咗一句：「開口夾着脷」，所以無法表達內心情感。於是性格變得內向，沉默寡言，人際關係差，連朋友都唔多個，異性緣就更加唔使講，所以大多數都會遲婚，甚至嫁唔出。
由於佢哋長期情緒低落，容易有抑鬱傾向，若未能找人分享內心感受，會變得自怨自艾，怨天尤人，終日長嗟短嘆。呢種人健康較差，中年時已經要孭住藥煲做人，做事提唔起勁，就算有異性對佢表示好感，卻往往未能投入感情。性愛時更會有冷感或不耐煩表現，成世人都可能未嘗一次性高潮，要改變，惟有學懂放開胸懷，至有機會改善運程。