之前講過人中上窄下闊嘅囡囡，運程會特別好，今日就同大家講吓人中上闊下窄嘅囡囡。原來上下一倒轉，運程就會完全唔同晒，人中上闊下窄嘅朋友，為人器量小，又欠遠見，做事往往猶豫不決，經常錯失良機。而且欠缺恒心和毅力，做事虎頭蛇尾，受到少少挫折就會自暴自棄。
感情方面亦係一樣，對喜歡嘅男仔唔識得專一，成日都三心兩意，畀其他異性甜言蜜語幾句，就會輕易變心，但由於眼光差勁，所以識親嘅男仔，會一個比一個差。
除咗男朋友，原來佢所生嘅兒女都係一樣，一個比一個難教，一個比一個唔聽話，所以晚年好大機會會無親無故，兒女丈夫都唔喺身邊，所以萬一自己個人中生成上闊下窄，就一定要學識專一喇！
達達