是次XFANZ Summer 2010戶外無遮博覽大會，於6月10至11日舉行，歡迎全球同好者參加，各位可Walk-in參加或上網預定門票兼酒店房。

精選嘉賓

有人話成人性愛博覽年年有，點解呢個特別多人留意？無他嘅，因為呢個Sex Expo係全球首個戶外性博覽，佔地最大，陣容最勁，單係贊助商就已經超過一百個國內、外企業，因此能夠出席呢個一年一度大騷做嘉賓，就證明人氣有幾勁，絕對反映未來吸金能力o架！

為咗令呢個Expo更有號召力及話題性，官方表明絕非亂請脫星參與表演，事必要經過精挑細選，嘉賓要對公眾有影響力。主辦單位當正名牌騷咁搞，十分巴閉！同時亦因為入選名單不定期公布，變相令外界更為期待邊個會於名單中出現。另一方面，入選名單只會於官方網站發布，所以Fans要經常留意網站最新動態！

火辣表演

至截稿當日，大會依然未有公布最終入圍名單，不過照名單睇，經已有超過60位一線脫星表示會出席，包括近期大熱嘅Sunny Leone、Monique Alexander、Jesse Jane、Nikki Benz，以及最多人追捧嘅Jenna Haze，真係粒粒皆星，陣容分分鐘強過世界盃。

依照上年慣例，呢批脫星當日除咗會身穿迷你比堅尼現身外，亦會上台表演，由於尺度所限，當然唔係現場表演真人騷咁過分啦，但意淫程度都過晒火位，包括隔衫互磨、火辣鋼管舞及真空自摸等，務求將現場氣氛推至最高！

除表演以外，大會更會選舉本年度Miss Summer，上屆就由以火辣見稱嘅Ashley Fires奪冠，今屆阿妹會繼續出席，做頒獎嘉賓，活動完畢後，大會表明會有After Party慰勞一班出席嘉賓，但計我話肯定又係荒淫派對，益吓班高層齊齊Happy就真！