早前有調查發現，大部分男人都唔識得幫女性除胸圍，所以上床混戰嘅時候，緊張起上嚟，往往於解胸圍時顯得手忙腳亂，搞到對方好冇癮！如果大家想了解到最快速兼有效率嘅除胸圍方法，不妨拜幾位參加公開鬥快解胸圍活動嘅參賽者為師啦！
上星期六，喺廣州崗頂一間百貨公司門口，舉行咗一場聲稱要挑戰健力士單手解內衣紀錄嘅比賽，主辦單位仲安排咗八位只穿內衣嘅模特兒登場！只要參賽者能夠喺一分鐘內用單手解開晒模特兒背後嘅胸圍扣就可以得到大獎，而最快解晒胸圍扣嘅朋友，仲有機會憑此驕人成績打入健力士紀錄大全添！
雖然比賽當中，有唔少男士參加，亦表現出一手強勁除Bra技術，但最後卻由一名女參賽者以21秒成績奪得冠軍，老實講，女人對胸圍咁熟悉，男人邊度夠佢哋揮呢！