喺日本人眼中，「性變態」可分為軟硬兩種，硬者即於性行為過程中，要透過窒息性愛、虐打、語言侮辱甚至強制調教來獲得快感，而軟者通常指戀物癖，例如要穿着絲襪高踭鞋、着特定制服嚟玩等等，勢估唔到近年竟流行起儲對手體液及毛髮，前者始終保存上較麻煩，而且體液中含有唔少病菌，一唔小心好易中招，不過後者其實亦唔衞生得去邊。而近日一間專玩護士制服嘅風俗店，為咗爭生意，就為「戀毛癖」客人提供咗一項新服務─儲毛。

另類入職要求

呢間「夜之鶯谷．變態之夢之國」風俗店嘅負責人表示，唔少客人都有收藏囡囡體毛嘅習慣，而位置愈私密就愈渴求，所以唔少有呢類癖好嘅客人都心生嚮往。為咗滿足客人需要，佢哋對新入職嘅囡囡，質素上唔會要求太高，但唯一條件就係「後花園」入面必須長有毛髮，而且愈濃密愈好，方便客人收集！

但就算天生體毛濃密，呢啲私密部位嘅毛髮都唔慌多，若然個個客人都要儲，咁咪好快清倉？負責人解釋，囡囡話就話會開放後花園畀客人玩，但就只限於使用特定玩具刺激，客人可盡情收集喺過程中自然脫落嘅毛，真係聽到都覺得惡心。

不過事後有唔少玩家於網站留言，表示呢個服務令佢哋一圓夢想，其中一位更留言話：「變態的夢可以成真，生活在此真幸福！」玩家仲話少年時期已喺漫畫睇過類似情節，估唔到現實生活中可以做到，所以要第一時間幫襯咁話！

分享心得

雖然「戀毛」玩法喺當地夜遊界只係剛剛起步，但卻有不少玩家於網上交流如何「採毛」的心得，十分變態，玩家對脫毛學問嘅研究，真係令一般人難以想像。

另一方面，有風俗店原先以制服為主題，而為了爭生意，竟然新增「儲毛」服務，真係難為了囡囡！此外，該店店長更會定期更新網站圖片，而且製作認真，睇嚟呢種癖好，遲早吹到AV界，到時真係冇眼睇喇！