11/05/2010

播放本新聞相關短片

世界波:另類口味食得好肥膩

喺日本,最多潮人出沒嘅地方,應該非東京涉谷莫屬,如果有囡囡被譽為涉谷系美女,就證明佢衣着入時,好識打扮。今次介紹呢間風俗店,亦係搵嚟涉谷系囡囡提供服務,不過店內嘅囡囡唔係苗條「慾」女,而係圓潤「肉」女,口味認真另類!

呢間風俗店叫做「小白兔」,聽個名仲以為店內全部囡囡都係年輕美少女,店長話佢哋個個囡囡都經過精心挑選,打扮要係涉谷系之外,仲要身材出眾,上圍最低要求,都要超過100cm以上,有冇聽錯呀?

大碼木瓜奶

完全冇聽錯!店內所有囡囡都擁有超級巨乳,試幻想吓一對對大木瓜喺你眼前盪來盪去,真係何其壯觀。不過世事有好多嘢都係成正比嘅,有得咁大對木瓜奶,身材亦有番咁上下分量,所以店內全部都係清一色肥妹,個個都好好肉地,鍾意食肥膩嘢嘅朋友至好嚟幫襯。

但咪以為佢哋身形巨大就冇乜生意喎,由於全區只得佢一間咁另類嘅風俗店,所以不知幾受歡迎。店內共有約20個囡囡,但生意經常多到做唔切,店長話一時間想請人都請唔到,仲話高質素嘅肥妹真係可遇不可求!

Cosplay交足戲

佢哋嘅服務同其他風俗店一樣,按時間長短嚟收費,而時間愈長,提供嘅服務亦會愈多,最便宜嘅60分鐘服務,收費¥16,000,折約HK$1,300左右,都幾貴吓,但據講係無限放題,而且仲會加送變裝服務,無論你想佢哋扮女僕、護士、甚至學生妹都一樣冇問題!

而且據店長所講,囡囡喺扮演唔同角色時都會交足戲,例如扮女僕就會主人前、主人後咁叫客人,加上佢哋床技一流,唔少客人試過都讚不絕口。不過對於一眾偏愛纖瘦型囡囡嘅客人嚟講,呢班「肉」女就太過肥膩,完全唔係佢哋杯茶喇!