尋日落灣仔搵老相好敍舊，問佢呢排生意點？佢話好慘淡，皆因啲新到北妹個個都係90後，年輕貌美身材好，搶晒佢啲生意。我話想當年佢啱啱嚟搵食咪一樣，搞到好多陀地冇啖好食，呢啲叫風水輪流轉。此時，老相好突然靈機一觸，話以後都叫自己做90後。唔係吖嘛！成三十幾歲人仲叫90後？佢解釋：「我喺98年落嚟香港，喺90年代攞身份證做香港人，仲唔係90後！以後登廣告，都要話明自己係90後至得！」以攞身份證嘅年份嚟話自己係90後，真係服咗佢囉！
皮哥簡介
線眼遍布港九新界，有料就去八，有蠱惑收王之稱，人生目標係八盡天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk