本文重點
每個人對性愛嘅口味都唔同，有啲人要透過重口味嘅方式先至可以得到快感。為咗令大家可以喺安全情況下，得嘗重口味性愛嘅歡娛，美國邁阿密就有一班退役四仔女星，開辦咗個重口味性愛課程，讓好此道者能一嘗箇中樂趣。
上門指導
所謂重口味性愛，就係被一般男女視為難以接受嘅激烈、甚至粗暴性行為，而進行呢啲性行為時，如果稍有不慎嘅話，就會對伴侶帶嚟身體上嘅傷害，於是一班退役四仔女星，喺年初決定要為感興趣人士開辦咗呢個重口味性愛課程。
據了解，由於佢哋都係前任四仔女星，故此熟知呢種性行為嘅技巧。佢哋授課嘅方法與眾不同，會採取上門指導形式進行。同學員預約上堂時間後，佢哋就會前往授課。此外，導師更會按學員學習嘅要求，準備相關器材，等學員能夠即場實習。
不過，唔係每個男女都可以參加，原來課程要求只有拍緊拖或已婚男女，兩人同時報名先至可以參加。另外，呢個課程嘅學費亦一啲都唔平，需要成US$800，折合約為HK$6,000，抵唔抵學真係要計一計！