05/05/2010

播放本新聞相關短片

靚女恨做足球寶貝

本文重點
如果大家有留意內地體壇花邊新聞嘅話,可以發現有所謂嘅「足球寶貝」、「籃球寶貝」等,而呢啲所謂寶貝,其實就係搵嚟一啲樣靚身材正兼有氣質嘅靚女,作為推廣該項運動之代表。依家臨近世界盃,內地亦搞咗個世界盃足球寶貝比賽,實行搵班靚女去助興!

過關斬將

喺今個月22日,廣西南寧有報章聯合某大型內地網站,搞咗個名為「非常天使足球寶貝活動」,喺64名參賽者中,挑中三位代表廣西賽區參加北京嘅全國足球寶貝大賽,而最後勝出嘅首三名靚女,更可喺六月遠赴南非欣賞世界盃,成為名副其實嘅世界盃寶貝。

不過,想喺芸芸寶貝中突圍而出,除咗要樣貌、身材兼具外,仲要經過多方面嘅考驗,包括才藝表演、拉票感言、體育禮儀同足球知識等,絕對唔係得個樣嘅花瓶。經過一輪比併後,最後由正就讀於廣西民族大學四年級嘅劉婧珺脫穎而出。唔知劉婧珺最終可唔可以遠赴南非,成為真正嘅世界盃足球寶貝呢?

River