有人嘅地方就有色情事業，而內地嘅色情事業就真係遍地開花，而且仲層出不窮，好似較早前甘肅就有¥20摸摸吧，而溫州朔門碼頭仲有露天色情按摩，實在夠晒大膽兼猖狂。
不過，仲未夠最近南寧市呢個淫竇勁！因為呢個淫竇幾乎係公然開檔！4月7日，由於之前有人報料話南寧市安吉大道中段一個工地上面有淫竇，所以南寧警方經過一輪調查之後，終於採取行動！成功將十多名涉嫌提供色情交易嘅男女捉晒。
然而，令人震驚嘅係佢哋提供服務嘅地方並唔係一般時鐘酒店，而係一架停泊於空地嘅輕型貨車！換言之，客人同賣淫女翻雲覆雨嘅地方，就係貨車嘅車廂！當街玩車震都未算最得人驚，因為經查明之後，發覺被捕嘅賣淫女當中，原來有三個係男扮女裝！究竟係佢哋知道部分客人有特殊癖好，定係想魚目混珠呢？