要睇一個人可唔可以做到一個出色嘅管理人員，其實好簡單，就係睇吓佢嘅法令生得靚唔靚，法令係喺面上最明顯嘅紋，由鼻翼兩側一直生落嘴角兩邊，以深長開闊為吉相。
不過，如果法令上長有痣的話，對於做生意或者靠把口搵食嘅男人嚟講，就大件事喇！同客人傾生意時，經常會同對方爭拗，好多時仲會反面收場，就算之前傾得好地地，最後都會功虧一簣。另外，對住情人同太太時，一樣會開口夾着脷，最大鑊係高潮嗰陣，會叫錯Honey個名，到時唔被人一腳伸落床就有鬼咯！
就算做老闆唔使自己見客都好，由於法令有痣，下屬會唔多聽話，個個都係陽奉陰違，稍有成就，就會起你飛腳，離你而去。各位仁兄如法令有痣，建議及早脫咗佢，運程才會有所改善。