阿豪到森林探險，點知迷失路，幸好，佢遇到一位住喺森林嘅老伯，對方仲帶佢返屋企借宿一晚。喺入屋之前，老伯提醒阿豪：「你千祈唔好搞我個女呀！否則你就知味道！」阿豪信誓旦旦咁話：「冇問題！」入到屋後，老伯個女寶兒出嚟招呼阿豪，寶兒年約20歲，貌美如花，身材玲瓏浮凸，阿豪即時嗒晒糖。食完飯，三人便各自返房休息，阿豪喺床上碌嚟碌去都瞓唔着，皆因佢對寶兒念念不忘，於是佢決定起身走去寶兒間房，由於寶兒情竇初開，喺阿豪嘅甜言蜜語下，就奉獻出第一次。
翌日朝早，阿豪發現身體畀塊大石壓住，此時，寶兒就話：「阿爸話要懲罰你。」阿豪笑笑口話：「呢啲小兒科啦！」說完就將大石舉起，欲拋出窗外。寶兒見狀立即喝止：「唔好呀！舊石同你右邊嘅丸丸係綁埋一齊！」於是阿豪小心翼翼咁鬆綁，之後舉起大石拋出窗外，跟住就好得戚咁起身落床，點知下身傳嚟劇痛，此時寶兒就話：「未話你知阿爸將你左邊嘅丸丸同床腳綁埋一齊呀！」（完）