本文重點
女人為咗靚,絕對唔會吝嗇一分一毫,好似佢哋用嚟敷面嘅甚麼海底泥之類嘅美容產品,就動輒幾百至上千蚊不等!唔知係咪知道女士們熱愛用泥漿美容,所以較早前海口就舉辦咗一個「2010世界比基尼美女泥漿搏擊大賽」。
具護膚功效
呢場喺海口西海岸國際輪滑賽場上演嘅泥漿搏擊,總共有32位美女參加,當中仲包括國家一級運動員、瑜伽教練、健美操教練同模特兒等,個個都身材Fit爆。
佢哋全部以一身單薄小背心及熱褲上陣,於泥漿池內肉搏,打得激烈時仲會互拉小背心,現場可謂春光滿瀉!
雖然有機會走光,但係一班美女依然樂意玩到滿身泥漿,原因係主辦單位話池內嘅泥漿乃係深海美容泥漿,含有豐富天然物質,聲稱可以預防皺紋,活化肌膚,唔怪得班美女玩到瞓晒身啦!