因禍得福

擁有32E爆乳上圍嘅胡嘉愛（Tavani），早年以模特兒身份入行，除頻頻上電視節目做嘉賓外，亦曾主持電視節目《環遊世界八十天之我要玩下去》。綜觀Tavani喺網絡上流傳嘅相片，大部分都非常性感，不論係上節目嘅側拍，還是日常生活嘅自拍照，統統清涼無比，深溝盡現。

本來只屬「細咖」模特兒及主持人嘅佢，因早前被拍到與黃立行十指緊扣及留宿對方家中而被追訪，而Tavani其後於節目《康熙來了》中，則聲稱只係去對方屋企睇碟同打機，而其老闆─資深製作人沈玉琳亦表示Tavani同黃立行只是朋友，叫大家唔好多心喎。不過，正正因為呢段緋聞，令Tavani人氣急升，唔少節目紛紛邀約佢出席，呢啲咪叫做因禍得福囉！