不過，到第二朝肥寶起身去攞車嘅時候，就發現車頭玻璃被打爆，車頭嘅一盒安全套更不翼而飛，聽其他街坊講，話肥寶泊車呢處正係車震勝地，所以唔排除係有人嚟到車震但係發覺冇安全套，咁啱見肥寶部車有一盒，於是就打爆其車頭玻璃偷走安全套。第二晚，肥寶見車頭冇安全套，認為唔會再畀人打爆玻璃，所以照舊泊車。但係，肥寶於翌日早上又發現車頭玻璃被打爆，車廂內亦被人搗亂，真係激到佢紮紮跳。

到第三晚，肥寶就貼咗一張紙於車頭，上面寫住：「車內沒有安全套」，然後就安心返屋企。然而，第二朝早車頭玻璃依然被打爆，車內仲留有一張紙條，上面寫住：「唔好意思，只係想證實一下。」