本文重點
雖然家陣春天來臨，但係天氣時冷時暖，一凍起上嚟仲跌到十度，兼且刮大風，小弟我咁肥都凍到騰騰震啦！不過出到街，見到一班靚女又冇特別添多件衫，難怪好多人都話女仔嘅禦寒能力比男人更強。
帶來溫暖
最近，呢個現象又有多個鐵證喇！因為較早前，仲落緊雪嘅黎巴嫩首都貝魯特北部嘅滑雪勝地，上演咗一個內衣騷，一班模特兒冒住嚴寒天氣，着上一身由名設計師K-Lynn設計嘅性感火辣內衣露天行騷，為現場帶來一點暖意！
雖然當時冇落雪，但係可以睇到內衣騷附近嘅山上仲有積雪，換言之天氣依然寒冷，不過，一班性感火辣嘅模特兒一樣表現得相當興奮，搞到現場氣氛非常熾熱！另外，有幾轉模特兒出場嘅時候，除咗大騷內衣之外，仲手執一支烈酒上陣，莫非係怕凍親，所以準備飲酒驅寒？