本來活動十分正常，但原來仲有一條規矩，就係所有參賽者都要着泳衣參賽。細睇新聞圖片，果然每個囡囡都着上泳衣，但唔知好彩定唔好彩，比賽當日天氣突然轉冷，結果所有參賽者都要加穿外衣進行比賽，否則場面肯定好哄動。

有違三八精神

喺網上有網友表示對今次嘅比賽十分反感，因為活動用咗「三八婦女節」嚟作招徠，本來「三八節」係一個婦女追求平等尊重嘅大日子，結果竟然畀有關方面利用，成為一個借賣弄女性身體作宣傳嘅活動，完全同婦女節嘅精神相違背。

亦有網友狠批40名參賽嘅女士，為咗區區¥1,000嘅禮物包，就參加呢個泳裝高踭鞋賽跑，輕易將身體展露人前，有失婦女尊嚴。雖然泳衣係比較密實嘅兩件頭款式，加上因為氣溫急降，所以最終每位參實者都有着上背心或外套，但始終有賣弄女性胴體之嫌。據講呢個比賽會一直進行落去，最後嘅總冠軍可以得到名貴房車一部，有時尊嚴係抵唔過物欲嘅誘惑嘅！