古語話：「橫眉冷對千夫指」，有一字眉嘅人做事講原則，特別係女性，由於處事作風夠硬朗，往往係老闆嘅得力助手，工作運不俗，只要肯努力，工作上必然創出好成績。至於感情方面，古時認為一字眉唔多好，表示會妻奪夫權。但今時今日，好多家庭都公一份婆一份，老婆喺公司掌握大權，好多時屋企嘅瑣碎事都懶得理，反而同老公唔會有太多摩擦。而且一字眉嘅女性會從一而終，發咗達都唔會將老伴踢走。房事方面，同其性格一樣，一招到尾不求變化，比較悶。