唔少漫畫男主角嘅造型，都會用頭髮遮住大半邊面，感覺神秘啲又型仔啲，現實有唔少男仔都有樣學樣，照抄呢種髮型。但原來喺相學上嚟講，長時間畀頭髮遮住塊面，係會對感情運造成負面影響。
會用頭髮遮住塊面嘅人，實際上為人缺乏安全感，所以要用頭髮嚟掩藏自己嘅五官容貌，以免畀人輕易睇出自己嘅心情。佢哋情緒起落比較大，特別容易衝動發火，一火爆起上嚟，有時連自己都控制唔住。
就算佢哋外形不俗，但往往拍拖冇耐，對方都會忍唔住提出分手，因為佢哋好難與人相處，成日都將所有心事隱藏起來，結果容易引起伴侶誤會欠溝通，經常嗌交，最終落得分手收場。建議如果真係要留長髮，應將頭髮向後梳，讓五官露出，心情會變得開朗啲，人際關係改善，自然愛情運都會好轉啦！