呢間位於福岡嘅風俗店，名字叫做「禪」，以養生作宣傳口號。將色情同養生保健掛鈎，咁似內地作風嘅？其實日本一向都有所謂嘅「回春按摩」，不過同內地嗰啲「掛羊頭賣狗肉」嘅「前列腺按摩」唔同，佢哋講求正宗手法，就連所用嘅精油都專業過人，更標榜按完後可以令人回復健康，重振雄風。

資料神秘

登入呢間「禪」風俗店嘅網頁，只見佢以竹林青天做背景，認真詩情畫意。內裏詳列各種回春按摩手法及優點，更圖文並茂逐項解釋，好似真係有啲料到咁喎！喺技師簡介嘅一欄，除咗例牌冇樣睇之外，連囡囡嘅三圍資料都欠奉，使唔使咁神秘呀！

移到收費一欄，發現70分鐘嘅回春按摩加全身香薰推拿，收費要¥10,000，折約HK$858，以日本嘅出張服務嚟計，其實一啲都唔貴，但奇就奇在並無一啲常見嘅服務項目，莫非呢間回春按摩真係毫無色情成分？

回復生機

經過細心搜尋後，小記終於喺客人嘅留言區發現，原來所謂嘅「回春按摩」，主要係以獨特按摩手法，按摩蛋蛋同小菊花嘅位置，幫助男士回復生機，並唔係求其按兩下就戴套開波嘅色情服務。不過計埋酒店錢，玩一次就要成千蚊，仲要唔包出火，邊有人會幫襯?

如果你都係咁諗就大錯特錯，其實佢哋不知幾好生意。據說，佢哋所用嘅按摩精油十分名貴，全部都由外國入口，滴幾滴已經舊幾水，加上囡囡全部受過專業訓練，所以畀佢哋按一次，真係可以做到紓緩疲勞，回復生機嘅效果。而且唔少幫襯過嘅客人都話，按完後持久力強咗，仲冇咁容易攰，回氣亦快咗，如果按一按就有咁神奇嘅功效，我都想試吓呀！