本文重點
新春期間，好多人都會發短訊拜年，就以瀋陽為例，去年由年三十至初六，民眾就一共發了2.4億條短訊，令當地三大電訊公司嘅短訊網絡差啲癱瘓，而當中有好多係垃圾訊息，故一定要加以管理，於是工信部去年頒發「短訊限發令」嚟控制情況。
呢個限制令除咗監管同控制每一部手機每日發出短訊嘅數量之外，一啲含詐騙、賭博同埋色情成分嘅短訊，都會畀有關方面嚴密監控，如有查出或有投訴就會馬上刪除，特別係色情短訊，發放數量最多，所以只要加以控制，就可以令網絡暢通。
忌黃色玩笑
而電訊公司據以往經驗所得，巿民大眾喺春節期間，收到色情短訊會比較反感，所以投訴量會大增，只要佢哋一接到投訴，就會馬上行動，將訊息刪除，如果內容嚴重仲會交畀公安處理，故喺過年期間咪用短訊嚟開黃色玩笑，否則隨時會中招。