日本嘅百貨公司，每逢周年節慶都會大搞周年祭，又搞大減價又有大抽獎，希望消費者感受到非一般嘅喜慶氣氛。日本唔少AV公司亦同樣重視周年祭，當中包括位列亞洲龍頭製作公司之一嘅AV大廠S1！

爭奪¥5,000,000

繼早前慶祝公司踏入五周年嘅年度大製作之後，S1同全日本格鬥比賽決定嚟個Crossover，於後樂園舉行格鬥界大型比賽！搵嚟六位AV女優落場，同大隻佬格鬥好手嚟個男女混戰！

呢個名為「合體」嘅格鬥比賽，由S1同全日本格鬥社舉辦，主要環節就係以AV天后吉澤明步命名嘅「吉澤明步盃」，分別由三組選手爭奪，每組由一名AV女優同一名格鬥好手組隊出擊，進行三循環比賽決定勝出組合，而勝出嘅一隊就可以奪得¥5,000,000獎金！

精英盡出

由於今次係S1嘅年度盛事，亦屬於格鬥界嘅奇迹大合作，S1當然要出動最Top最Fit嘅女優參戰啦！好似38G藝能人女優藤浦紀、原名小田有紗，由水着界轉戰AV界嘅佳山三花、原藝能人月見栞、鮮嫩37H大奶妹大空花音，仲有21吋蛇腰嘅櫻心美，每個都係近期最具人氣嘅超班女優！

當然，S1嘅當家花旦，吉澤明步都有到場，不過就冇落場參賽，只係做頒獎嘉賓同旁述！至於參賽嘅格鬥好手亦大有頭來，包括日本頂級高手、現已貴為全日本格鬥社長嘅武藤敬司，以及經典好手船木誠勝等人，個個都係家喻戶曉嘅格鬥猛人，因此令當晚嘅比賽場地，東京後樂園座無虛席！

春光無限

大家可能會問，雖然一班AV女優床上戰鬥力非常驚人，即使一女鬥眾男都冇手軟，但係格鬥比賽唔同上床，班弱質女優又點夠班大隻佬打呢？大家又唔使擔心，其實佢哋都係表演多過真打，格鬥手間點到即止，好難會打到受傷，而且比賽之時雖然係男女混戰，但係一般都係男有男打，女有女玩，以免被人話蝦女人同乘機抽水。

不過，當中亦有火爆場面，就係當男格鬥手將另一格鬥手用關節技鎖住嘅時候，女優就可以乘機出手打擊！另外，當晚嘅AV女優都會以性感水着上陣，場內波光四射之餘，仲有唔少打到甩衫嘅場面，為比賽更添幾分春色！