台灣o靚模界一向人才輩出，而為咗出位，好多妹妹仔都唔介意拋胸露臂博見報。之不過要成功上位談何容易？經驗同運氣同樣不可或缺，好似模特兒出身嘅何姵蓓，就憑着豐富嘅演出經驗，令佢順利走入演藝界，前途一片光明。
狂接廣告
於台灣世新大學傳播系畢業嘅何姵蓓，閒時鍾意唱歌跳舞，早年參加過某電器品牌舉辦嘅代言人選拔賽，雖然喺決賽止步，但已經廣受注意，令佢獲得唔少工作機會，例如Dancer、平面廣告模特兒、展覽會主持等。
隨着曝光率增加，佢嘅知名度亦大為提升，吸引唔少廣告商。據知佢拍過嘅廣告多不勝數，包括飲食、商品等，而每次演出時，佢都毫不吝嗇自己嘅美好身段。
俯身現溝
喺早前播出嘅《爆桿賓果王》中，姵蓓烏低身打桌球時，心口上一條無底深溝清晰可見。雖然呢條大峽谷應該係托出嚟嘅效果，但就獲得觀眾一致好評。
其後，何姵蓓正式向演藝界發展，除咗參演電影《新魯冰花》外，於上年佢更於台灣偶像劇《愛河．戀人》中登場，老實講，佢嘅演技有番咁上下，相信喺呢行必定能夠有一番作為。