男士人到中年，額頭上面自然會出現「火車軌」，最常見就係三條打橫生嘅額紋，有女士讚係成熟嘅表現，亦有男士話搞到自己望落老晒。原來相學上喺額頭出現三條橫紋，表示此人天地人三才俱備，能夠喺自己所屬行業中幹一番大事業。
不過呢三條額紋生得唔齊唔合格，中間斷開都唔算數，仲要兩邊紋尾千祈咪向下生，否則一生運程困難重重，做事經常遭遇挫敗，做死一世都得唔到合理成果。所以如果你人到三十歲，額頭長出三條額紋，而且又合乎以上種種標準，咁就恭喜你。表示你工作認真，做事努力不懈，遲早會出人頭地，成為自己行業中嘅專才。但記住咪將頭髮遮住額頭，否則會影響運程，女人揀老公，記得搵呢種喇！
達達