但最廣為流傳嘅照片，並唔係佢哋嘅內衣照，亦唔係冠亞季三位得獎者嘅大相，而係綵排時嘅照片。唔通有人喺綵排時春光乍洩，所以點擊率超高？非也，實情係因為天氣太凍，大會可能為怕凍親佳麗，所以叫佢哋喺內衣內加穿保暖內衣，令場面相當惹笑。

理解錯誤

有網友睇完照片後，就話主辦單位多此一舉，既然綵排時怕凍親佳麗，咪直接着便服綵排算囉，無端端喺保暖內衣外着多套內衣，反而令到成件事冇晒美感。

點知事後製作單位出嚟解畫，話係應贊助商嘅要求，就算綵排都要宣傳吓佢哋嘅胸圍特色。有部分網友對此十分反感，於是又有人幫贊助商解畫，話贊助商其實係想表達出佢哋嘅產品可以「內衣外着」，但因為製作單位理解錯誤，先會叫佳麗將內衣就咁着係外衣上面。

唉，好好地一個「內衣外着」嘅概念，歪曲成咁，唔知負責設計呢批內衣嘅Designer，會唔會激到嘔血呢？