本文重點
唔少朋友都鍾意約埋三五知己落吧輕鬆吓，但想搵一個理想場地，確實唔係咁容易，事關好多酒吧格局騎呢，唔係三尖八角，就係柱位特別多，感覺侷促唔舒服。相反，好似呢次介紹嘅酒吧就唔同，長方形格局加上無柱式設計，空間感十足，而且配套設備齊全，包場玩就最適合不過。
變身大舞池
銅鑼灣嘅永光中心，內裏幾乎大部分店舖都係酒吧，但講到搞Party，就唔係間間都適合，其中位於高層位置嘅Otto Bar & Lounge，長方形格局，中間並無柱位，加上設於窗邊嘅相連式梳化廂座，令整體空間感大增，配合完備嘅燈光效果及動感音樂，要將酒吧變身大型舞池，一啲都冇難度。
此外，酒吧更設有大型VIP房，內有Plasma電視、卡拉OK等設備，可容納30至40人，最啱舉行各類型Party，想由場頭嗌到場尾帶起氣氛，Easy啦！
逢星期一及星期三為「Ladies' Night」，女士費用全免任飲，男士$270。
VIP房於星期五、六，均設有任飲優惠，男士$250，女士$200。