有一日，肥仔賢同老婆露茜喺房內，兩人表現得非常肉緊，期間露茜好大聲咁嗌：「呀……老公！唔好停……就得啦……大力啲！」肥仔賢扯晒蝦咁回答：「嘩！唔掂啦，老婆！我好攰……冇晒力喇！不如抖抖先，一陣間再繼續啦！」露茜聽見之後，即時好勞氣咁話：「搞到半天吊先停？係咪想死呀！我依家好辛苦，唔理你，點都要搞掂埋佢o架嘞！」
肥仔賢見老婆發晒脾氣，於是無奈道：「老婆大人，咁我盡力而為啦！」然後佢又再次咬緊牙關，隨即聽見露茜又一輪喪叫：「啊……啊……就得啦……出喇……老公，大力啲添啦……」
相隔唔夠五分鐘，就聽到肥仔賢大叫：「老婆……頂住……唔好亂郁呀！」十秒後，房內即傳出陣陣喘息聲。完事後，露茜軟攤喺肥仔賢嘅胸膛之上，一臉滿足。呢個時候，肥仔賢輕撫愛妻話：「老婆，終於都幫你剝咗隻爛牙，之不過你搞到成口都係血，連底衫褲都濕埋，不如快啲去漱口兼換過啲衫啦！隻爛牙等我幫你掉咗佢！」