每逢有議員選舉，候選人都會總動員四出宣傳，呼籲選民支持，投自己一票。而候選人宣傳嘅方法，大部分都係坐旅遊巴士四圍遊，用擴音器大嗌：「請支持×號候選人一票！」又或者直接走上街頭，講吓自己嘅政綱。
烏克蘭有班靚女亦一樣走上街頭宣傳總統大選，不過佢哋着到好似妓女咁款，點解會咁呢？話說較早前，烏克蘭進行總統大選第一回合，女權組織Femen嘅一班靚女成員就扮到好似妓女咁，走到首都基輔嘅選舉委員辦公室，一邊高舉選候人嘅海報，一邊遊行，仲不時彎腰露乳溝，色誘馬路上嘅司機，繼而從低胸衫入面拎出大疊銀紙，目的正係諷刺當地政界充斥貪污的歪風，以及對人民不負責任等令人髮指嘅行為喎！
Max