返工對好多人嚟講可以話係苦差，多嘢做又辛苦，冇嘢做、成日呆坐一樣辛苦，不過兩種辛苦都有盡頭，就係收工嘅一瞬間喇！無論閣下面對上述邊一種辛苦都好，小弟今日有一個推介，可以令大家苦中作樂，甚至忘卻痛楚，得到一絲絲興奮添！
呢個就係日本最新嘅網絡服務，名為「AV時計」（AV-tokei）！呢個AV時計其實係一個網站，大家一Click上去，就可以見到網頁有一名AV女優手執一個報時板報道當時嘅日本時間，又或者係一則女優慾照再加上時間顯示，而每一分鐘都會換上不同嘅姿勢，要露點有露點，要煞有介事，疑似交歡場面亦有，一日總共有一千四百四十張AV女優性感照為大家報時，每分鐘都令大家感到驚喜。忙碌過人嘅朋友以後就唔會忘記睇時間啦，至於成日返工等放工嘅朋友，亦唔使驚捱等時會悶喇！