較早前有報告指出，接吻原來可以消耗熱量，一日接吻多幾次對減肥相信或多或少都有幫助，唔知係咪因為咁嘅原因，所以剛於12月26日喺內地舉行嘅呢個接吻比賽，就吸引咗好多女仔拉埋男友一齊參加？
獎品豐富
是次活動今年已經係第二屆舉辦，由內地一間首飾店主辦，地點就選擇喺廣州越秀區嘅中華廣場。比賽方式需要情侶二人先以最正常嘅方式面對面接吻，兩分鐘之後，男方就要一邊保持嘴對嘴，一邊將女方成個人抱起，能夠保持呢個姿勢最耐嘅一對情侶就為之勝出。獎品相當豐富，頭獎為十萬蚊人仔創業基金以及豪華情侶浪漫之旅！
吹氣女伴
接吻比賽有咁多對情侶大鬥接吻持久力，自是相當精彩，不過期間曾發生一段小插曲，話說有位仁兄唔知係咪精神有問題，居然帶咗一個吹氣公仔入場話要參加比賽，大會當然拒絕啦！而呢位仁兄則賴死唔走，更加即場同自己嘅「女伴」接吻添，真係情深義重！