07/01/2010

播放本新聞相關短片

鼻有黑氣易失戀

佳節過後，唔知大家有冇喺節日「失身」呢？原來容易失身都有樣睇嘅。喺眼鏡托撐着鼻樑嘅位置，相學稱為「勾陳」，如果呢度呈灰黑色，表示呢種人好「大頭蝦」，成日都會唔見嘢，仲會經常失戀，甚至失身。呢種人點解會咁懵呢？其中原因係因為佢哋愛夜蒲，搞到身子差，記憶力衰退；另外，亦表示呢段日子嘅運勢極壞，所以失財、失戀、失業都會發生。

特別係女性勾陳位置有灰黑，最容易失戀同埋失業，而原因通常都係因為吵架，本來好好嘅感情，都會因一啲小事而嘈到要分手，如果你發現自己都有呢個情況，就記得忍吓口，咪同男友嘈喇！

達達