雖說上面夜場一直刮風，掃蕩行動更是近年罕見的大規模而且持之以恒，不過其實對本地夜遊界而言，帶來的正面影響始終不大，有不少夜行中人也不禁一再問：「啲人究竟去晒邊呢？」就我所知，其實很多指壓場的生意做得不錯，而骨場、鳳樓、夜總會反而不升反跌，年尾時候，當然令業內人士叫苦連天了。
C是個陀地鳳姐，認識她少說有五、六年，當年她身材雖然已開始有些微的走樣，不過風韻猶存，生意算做得不錯。只是後來市面競爭實在愈來愈大，有姐姐鬥劈價、鬥玩花樣，總之為了生存無所不用其極。漸漸，C的客人也隨着外面的花樣百出和她的年紀而流失了不少。「我都搬咗好多區、仲轉過幾次藝名，最初咁做都有啲用嘅，但後來又係打回原形。」
又近年關，捱房租、等錢用，C告訴我，這次真的想轉行了：「呢啲時候我哋呢啲舊區最多打劫，自己搵埋都唔夠，畀你搶一次仲得了嘅？」問她想做甚麼，她說自己三冇：冇學歷、冇經驗、冇人事，除了撈回老本行，實在不知可以有甚麼出路。
「指壓係咪好好景？我都得喎，有冇路介紹吓？」老實說，今時唔同往日，不是你肯賣，人家就一定肯買的。