騎呢扮相

呢次鋼管舞比賽於加拿大多倫多一間高級私人會所內舉行，較早前已經進行一輪初賽，喺決賽當晚，共有十二位職業舞孃爭奪冠軍寶座。為咗以示公正，大會更邀請咗幾位專業鋼管舞導師擔任評判。

至於評分方面，除咗跳舞技巧及難度之外，仲會留意參賽者嘅衣着打扮及表演嘅娛樂性，綜合多項分數之後，獲最高分數者就成為鋼管舞舞后喇！

至於呢班舞孃嚟自美國及加拿大各大夜店，位位都擁有多年舞齡，可謂相當有實力，而且經驗十足。此外，為咗吸引評判及觀眾嘅目光，佢哋以騎呢扮相出場，好似籃球員、賽車女郎、曲棍球員、埃及妖后等，據知佢哋身上所穿着嘅舞衣都係特別訂造，有啲更帶埋道具上台，認真有心思。

濕身誘惑

扮相夠突出，確實可以增加分數，之不過舞技仍然係得分嘅主要關鍵，每位參賽者非施展渾身解數不可，爬杆、倒掛、擘腿、扭身扭勢等招式只係基本舞步，為咗博得一眾歡心，有啲故意走到台前，做出拱橋、一字馬等高難度動作，讓觀眾及評判都能夠近距離欣賞自己嘅胴體。

之不過咁都未算最激，事關有部分參賽者實行邊跳邊剝衫，露出堅挺雙峰，之後仲要瞓地玩自摸，甚至以啤酒淋身去營造濕身誘惑，令觀眾大飽眼福！

經過一輪激烈比賽，最後由二十六歲嘅Celine奪得冠軍，獲得US$5,000獎金。據知，呢位索女嚟自中美洲的危地馬拉，三年前開始喺夜店工作，對於呢次獲得冠軍，Celine表示感到非常開心同意外，更希望來年有機會再參賽咁話。