其實色情網吧於內地亦曾經風行一時，而繼網吧之後，陪聊吧、摸摸吧亦相繼出現，而最近於西安興起嘅一間連鎖「乳聊吧」，齋係聽個名已經令男士想入非非，唔知店內係咪提供巨乳娘陪聊天呢？

不過，原來大家都估錯晒，呢間「挺奶×」乳聊吧，原來係一間專門服務女性嘅豐胸美容店，絕無色情成分。佢哋主打「綠色豐胸」，利用點穴按摩配合豐胸保健食品，令女性上圍增大兼改善堅挺程度，收費為九百蚊人仔，包括三階段療程及九盒豐胸食品。由於呢類乳聊吧非常有市場，喺西安已經開咗五間，而徐州、青州、福建亦有分店，大家如果去到呢幾個地方見到有乳聊吧，就唔好幻想有特別服務喇！