裝潢簡潔 客路斯文

呢間位於赫德道嘅AT Karaoke Pub，為雙層式酒吧，一樓設有飛鏢區及露天雅座，二樓則主要設有梳化卡位，感覺簡潔舒服，除有能夠容納三、四十人嘅VIP專區外，大部分卡位旁邊都設有平面電視，睇波唱K都咁啱。

美少女Mei Mei表示，好多朋友都鍾意呢度夠舒服，客路比較斯文，唔會有烏煙瘴氣嘅感覺，令佢玩得開心又放心。而另一位索女Vivienne就認為，呢間酒吧最大嘅特色係卡拉OK及音響設備都相當有質素，場方更會提供無線咪畀客人，夠晒方便。唔知大家有冇咁好彩同索女一齊唱番首歌仔呢？