較早前小弟有幸去到澳門嘅亞洲成人博覽，除咗睇到好多新款情趣用品，更有幸同日本知名AV女優大澤佑香（現改名晶艾莉）同範田紗紗合照添！老實講，原本呢班AV女優只會以電視影像存在於我嘅生命當中，當日有幸零距離接觸，嗰種感覺真係既喜悅又神奇！不過大家唔使羨慕我，因為日本秋葉原新開咗一間全AV女優陪酒嘅酒店，落去幫襯就大把女優陪你玩啦！

振興經濟

呢間名為「Doll Tokyo」嘅酒店，其實同我哋睇日劇嗰陣，見到商人傾生意時去嘅俱樂部差不多，都係夜總會格局，一班打扮到花姿招展嘅陪酒孃坐枱陪客。不過，Doll Tokyo嘅賣點在於有大量AV女優坐鎮，以女優嘅名氣再加上角色扮演元素搭夠，有關方面甚至希望利用呢間酒店嚟振興秋葉原添！

事關去年秋葉原出現殺人狂事件後，搞到秋葉原人氣驟減，因此業界都希望Doll Tokyo出現之後，可以吸引更多人流，重現當年嘅興旺情況。

紅牌坐鎮

其實，Doll Tokyo都唔係第一間出現嘅AV女優酒店，因為較早前已經引退嘅經典女優早坂瞳，於去年亦喺六本木開咗一間同類型酒店「Club Virgin」，一樣聲稱旗下招呼客人嘅囡囡都係AV女優，而本欄亦早已介紹過。不過若講到囡囡嘅吸引程度，Club Virgin就一定唔及Doll Tokyo喇！因為單係睇打頭陣嘅兩位天后級女優濱崎里奈同蕾就夠殺啦！

今年廿一歲嘅濱崎里奈，擁有一副蘿莉系可愛面孔，最勁就係佢胸前嗰對被AV業界封為「No.1美巨乳」嘅37H極上爆乳。受到各大AV廠賞識嘅里奈，單係喺二○○八年，就拍咗接近一百套作品（連合輯計），可謂威到盡！而蕾則係知名嘅小柄蘿莉系女優，一臉可愛笑容以及怕醜表情，充滿少女情懷，同樣係人氣大熱！除咗呢兩位頂級女優之外，Doll Tokyo仲話未來會加碼至三十個AV女優招呼客人添！

至於收費方面，九點後幫襯為八千日圓一小時，加埋三千日圓點名費，折合約九百五十港元，雖然都知道未必有下文，不過一千蚊唔使就可以同我最鍾意嘅濱崎里奈見面，都算抵到爛啦！哇哈哈……