其實一間飯店要令人印象深刻，首先梗係靠廚房大師傅嘅好手勢，做出美味佳餚啦！不過，家陣真正有料嘅廚師真係好難搵，就算搵到亦好難將佢留得住，點算好？如果將間飯店裝修得有特色，亦同樣可以令食客印象難忘，就好似長春呢間「特色」飯店就係好例子嘞！
呢間飯店位於長春臨河街，被網友稱之為「最狂野飯店」，點解呢？皆因飯店裏頭嘅裝潢極具特色，牆壁之上除寫有色情字句同畫上鹹趣圖畫外，最令人驚訝嘅係，喺其中一面牆上，掛住以鐵盆和炒鑊砌成嘅疑似男性生殖器！就連菜式名稱亦極具色情意味，但由於菜名太過不雅，小記都不便寫出，各位有興趣嘅，不妨搜尋吓呢間咁具「特色」嘅狂野飯店啦！
Max