言論大膽

有「千面嬌娃」之稱嘅孟茜，曾參演過電影《夏日裏的水蜜桃》、《花開花落》等多部電影，不過只係擔任小角色，所以喺香港冇乜人識。不過，如果大家有上網習慣嘅話，不難發現佢嘅相關新聞。

孟茜紅遍網絡，最大原因係佢嘅部落格，裏面放咗唔少佢嘅性感相片，甜美樣貌加上魔鬼身材，確實為男人提供極大嘅想像空間。此外，言論大膽亦令呢位索女人氣急升，好似早前佢就喺部落格內大彈名模林志玲胸部太小。

過分性感

最近，孟茜嘅全新MV原本會喺內地電視台首度播放，點知出街前卻遭到電視台有關人士阻止，原因只有四個字：袒胸露乳。睇番索女嘅MV，雖然並冇性愛場面，但有一段孟茜喺床上面碌嚟碌去嘅橋段。片中孟茜只身穿白色吊帶低胸裝，由於拍攝角度關係，可以清晰見到北半球，意態撩人，相當性感，難怪會畀人認為係賣弄色情而遭禁播，聽講電視台更要求有關方面刪剪所有性感鏡頭，否則唔使旨意播出街。

孟茜 Profile

出生日期：1981年9月9日

三　　圍：38C-24-34

血　　型：O型

身　　高：168cm

體　　重：52.5kg

出生地：山東