相書話：「下巴兜兜，晚景無憂」，點樣嘅下巴，至算係「兜」呢？專家指出，如果從正面睇過去，下巴尖位如果有圓圓嘅一塊骨凸出嚟，就代表「兜」；另外從側面睇，下巴向外呈新月形，亦係屬於兜下巴。
無論男女，下巴兜都表示思想敏捷，而且唔易受到別人影響，主觀性強，唔會輕易妥協，所以做事較其他人吃力，但最終都可以取得成功；但同時樹敵太多，人緣只係一般。至於女性有兜下巴，就係一個充滿自信嘅人，辦事能力極高，係典型嘅女強人。
但另一方面，由於性格獨立，所以姻緣運一般，特別係現代女性，會特別注重工作和事業，因而忽略伴侶，引起衝突。若丈夫年紀相若，離婚機會極高，但如果與丈夫年齡相隔十年以上，或者嫁外國人，就會好啲，中年後下巴長肉才會有改善。