由於全球暖化嘅關係，香港嘅冬天將會愈嚟愈暖，不過，一旦寒流殺到，亦一樣會凍到大家雪雪聲。不過，相對於歐美地區嘅冬天，香港嘅冷天氣簡直係唔入流，即使唔落雪，刺骨嘅寒風一樣威力十足，真係難為一班索女僅穿着內衣，喺寒冷天氣下當街做騷喇！
爭相拍照
講緊嘅係早前一班為數二十多個嘅模特兒應一個內衣品牌嘅邀請，齊齊換上內衣上陣，喺倫敦街頭示範一系列標榜有修身功效嘅新款內衣。見到佢哋一字排開，霸晒成條路嚟行，場面真係壯觀又惹火，難怪搞到四周嘅途人都慶合合，甚至拎出手機或相機爭相拍低沙龍啦！不過，那邊廂嘅模特兒就都凍到震騰騰。最衰當日我唔在場，如果唔係一定會湧上前畀啲溫暖佢哋呀！
Max