這天在福田一家邪骨場拍照，經理說招了好幾個新女回來，說不定可以搞個特輯之類云云。可惜人在現場看了又看，新女們的質素都極低，連「中女」都有，我不禁質疑要如何吸引人客？經理跟我私下說，的確，當城市愈來愈繁榮、發達，他們這種形式的夜店就愈難招到靚女：「環境同以前唔一樣啦，靚女都大把出路，搵個有錢男朋友、去選美都得；即使想搵快錢，都唔一定要嚟桑拿做，途徑多的是。我哋呢啲場，打個飛機先收得百零蚊，靚女會唔會同你做先？」
拍攝進行了一半，忽然有囡囡撞進房間來，這個「天外來客」既眼熟，而且算是漂亮了一點，啊，我記起了，她半年前在別家場是挺紅的，後來卻失蹤了……靚女一見到影相，面色霎時變色，埋去跟經理耳語了一陣，便一個人離開，看樣子，她的照片是拍不成的。
工作完成了，經理才拉我到一邊解釋靚女不能拍照的原因，又是感情債：「條女話就話香港有男朋友，唔係好方便影相，怕畀人詐型；其實係佢之前同男朋友有錢銀轇轕，走咗出嚟，畀佢前男友知道喺度返工的話，佢又要着草，我哋又少咗條女，明唔明？」明晒。