本文重點
雖然家吓仲未到聖誕節，但唔少場所已經開始大搞精彩活動，好似早前就有酒吧聯同酒商舉辦咗一個《K皇爭霸戰》，吸引大班蒲友參加，部分人嘅表現，仲足以媲美專業歌手添！
唱功一流
呢個《K皇爭霸戰》，今年已經係第六屆舉行，由藍妹啤酒及Bar Pacific聯合主辦，初賽早前已順利舉行，於二十間分店中，每間將有兩位出線者進入決賽，當中有十二人可以進入總決賽，爭奪豐富獎金及獎品，冠軍更可以額外獲得唱片公司試音合約，一圓歌星夢。
於初賽中，唔少參賽者都帶埋朋友到場打氣，小記發現大部分參賽者都好有實力，唱功足以媲美××巨聲、××大道嘅參賽者，亦有參賽者又唱又跳，好似城城上身咁。總決賽將於十二月二十日於九龍城分店舉行，仲請嚟歌手陳柏宇及方珈悠擔任評判及表演嘉賓，Fans記得早啲入場霸位喇！
《K皇爭霸戰》賽程表
準決賽 12月13日 沙田店
12月16日 大角咀店
總決賽 12月20日 九龍城新店