中環係香港嘅金融中樞，好多西裝骨骨嘅大爺出出入入，所以中環一帶就有好多擦鞋攤檔，有手勢純熟嘅叔叔伯伯幫人擦鞋。不過，擦鞋呢種喺香港即將式微嘅小生意，原來喺內地正處於發展中，但係，有部分擦鞋攤檔嘅性質就有所改變，唔單止幫客人擦鞋咁簡單！
最近，有四川網友發現，文廟廣場附近有一個中年女人擺咗一個擦鞋地攤，一見到有上咗年紀嘅男人行過，就主動兜搭。當客人點頭答應之後，中年女人就即刻拎埋兩張櫈仔去到一個僻靜角落，然後開始擦鞋。然而，中年女人雙手愈擦就愈上，伸到去客人嘅褲襠之中有所動作！有消息指，呢類帶有色情成分嘅擦鞋攤檔為數唔少，似乎好有市場發展潛力喎！
達達