11/12/2009

播放本新聞相關短片

女星經典露肉場面

女星喺演出時拋胸露肉,除咗可以谷票房外,仲有機會好似湯唯咁一脫成名。早排美國著名網站Mr. Skin,為咗慶祝成立十周年,選出最經典嘅一百個女星裸露場面,而喺三甲內,除咗有我哋熟悉嘅莎朗史東同安祖蓮娜祖莉外,冠軍竟然係由一位叫做菲比凱絲(Phoebe Cates)嘅女星奪得!

莎朗史東 真空翹腳

據大會指出,佢哋嘅評選標準係從露肉情節嘅動機、電影嘅重要性、女星嘅名氣同露肉嘅藝術性等因素而釐定。喺呢個情況下,莎朗史東就憑住喺一九九二年推出嘅電影《本能》中,被男主角審問時,真空翹腳色誘男主角一幕而得到第三名。評審團認為呢幕充分表現出女性魅力外,仲因為莎姐係銀壇一姐,故此能夠打入三甲。

安祖蓮娜祖莉 剝衫留情人

成功砌低莎姐嘅第二位女星,就係畢佬老婆安祖蓮娜祖莉。佢喺一九九八年拍攝嘅《Gia》(港譯:霓裳情挑),當中一幕講飾演同性戀模特兒嘅安祖蓮娜,為咗挽留同性戀人,情急下便剝衫留住對方。據評審團指,安祖蓮娜奪亞除咗因為佢憑呢部電影一脫成名外,仲因為佢喺現實生活中,同Gia一樣係名雙性戀者,所以充分演繹出箇中感覺。

菲比凱絲 泳池解Bra

至於冠軍得主就係由菲比凱絲奪得,大家係咪覺得個名好陌生呢?查實佢係《小魔怪》第一及二集嘅女主角。呢位有四分之一華人血統嘅靚女,憑住喺一九八二年推出嘅《油脂妹》,當中一幕喺泳池剝泳衣露點而得獎。呢幕之所以咁經典,據評審團解釋,由於菲比當年已經薄有名氣,都仲肯犧牲色相露點,而佢自呢次之後亦再冇剝衫,故此呢幕相當經典喎!

River