鬧番夠本

位於關東嘅茨城縣土浦市，有一間名為「龜與栗」嘅風俗店，為客人提供各類發洩情緒嘅玩法。之不過大家唔好誤會，店內並不提供性虐等性變態服務，客人只可以對風俗孃「出口術」，以及玩一啲點到即止嘅有味騎呢遊戲。

據了解，風俗孃會鼓勵客人將積壓內心嘅不快全部講晒出嚟，甚至願意化身成你嘅仇人，畀你鬧番夠本。由於喺隔聲房間內進行，所以客人可以盡情咁對索女「破口大罵」。客人鬧得過癮，自然條氣都會順番晒，但對於無辜受辱嘅囡囡嚟講，就算只係耳朵受罪，但有時都會頂唔順冷言冷語而當場喊起上嚟。

隨意差遣

除咗出口術外，客人更可以玩吓主僕遊戲，例如叫囡囡蒙上雙眼去接受你嘅「懲罰」，又或者當佢工人咁隨意差遣，無論斟茶遞水、任何動作，只要做得到嘅，囡囡都會盡力滿足你嘅要求。當男士發洩情緒過後，心情靚晒，梗係唔少得出力去報答囡囡啦！