28/11/2009

播放本新聞相關短片

世界波：香艷底褲Bar

去到有特色嘅食店或者酒吧，大家都可以見到唔少名人明星留下簽名，又或者係同老闆嘅合照以作紀念，但係除咗簽名同合照外，原來條底褲都可以作為留念，我唔係老吹㗎！美國一間名為Tornado嘅酒吧專門招呼空軍，雖然酒吧內冇好似《壯志凌雲》入面如湯告魯斯嘅靚仔，不過牆上就有好多用木架鑲起嘅香艷三角底褲！呢啲底褲全部都係女空軍留低嘅，佢哋點解會咁做？之唔係源於迷信囉，佢哋認為第一次飛行嘅時候，如果留低一條底褲喺酒吧，是次飛行任務就會萬事大吉咁話！所以呢個「留底」動作對女空軍嚟講係好緊要㗎！

Max