全場爆滿

開頭明明話以廚師裝示人，點解轉頭又一絲不掛呢？原來佢哋身上所穿只係一件透明圍裙，根本同冇着冇分別。有美女全裸贈興，消息一傳出，餐廳當晚嘅訂枱即時爆滿。

當晚除咗客人外，仲有大批龍友出席，據估計，現場至少圍咗五、六十個龍友，客人有啲就乖乖坐喺度睇表演，有啲亦不甘寂寞，攞部手機出嚟狂影一番。本來私人地方搞Party，玩得激啲都無可厚非，但因有人將現場照片放咗上網，件事好快揚開晒。

有待商榷

網友話呢次活動「有傷風化」，齊聲喺網上譴責，仲話要有關方面介入調查，後來有知情人士出嚟喺網上解畫，話今次只係一次「人體寫真」活動，間餐廳只係借出場地啫！

「人體寫真」喺私人地方進行，當然冇問題，但餐廳係私人定係公眾地方就有待商榷，而且喺餐廳開張當日請人嚟搞人體藝術，分明就係博宣傳，好明顯其目標已經達到了。