脫穎而出

現年廿二歲嘅胡丹，來自上海，熱愛唱歌跳舞，早前被中國第一美女公會「妖姬宅」收歸旗下成為模特兒。據了解，該團體專門徵聘美女Model為各類產品當代言人，每一千位女孩中，只有一位能夠雀屏中選。而擁有35D驕人身材嘅胡丹，早於二○○四年時，曾參加電視台舉辦嘅模特兒大賽而嶄露頭角，亦曾為內地知名雜誌拍攝寫真，可以話經驗十足。

如今成為網絡遊戲代言人，胡丹再次向眾人顯示實力，着上少布又貼身嘅服飾扮演遊戲中角色，性感誘人，而豐滿上圍更有呼之欲出之感，令人熱血沸騰。對於胡丹嘅「胸襲」，唔少網友都表示難以招架，吸引力絕對攞滿分！