呢間位於美國德州嘅樓上色情Salon，除咗靠熟客介紹客人外，亦會透過互聯網宣傳，有時更會幾個靚女一齊落街派傳單拉客。佢哋Sell嘅除咗有靚女髮型師以性感打扮為客人洗頭剪髮外，店內更附設沖涼同按摩服務。

房內設梳化床

客人上到Salon後，接待員就會帶靚女髮型師畀大家過目，睇吓邊個靚女至合客人心水。揀選好後，髮型師便會帶客人入去獨立房間內洗頭，然後再幫客人進行理髮服務。

呢啲獨立房間內裏除有衞浴設備外，更有一張梳化床，如果客人剪髮剪到興合合，只要加錢就可以享受另類服務，包括手部服務、口舌招呼、裸體按摩及巨乳洗面等。

借故胸襲客人

曾經幫襯過呢啲色情理髮服務嘅Herman話：「初初我都唔知道有另類服務玩，只係睇到Website話呢間Salon有衣着性感嘅靚女髮型師為客人服務，我見價錢唔算太貴，咪試一試囉！點知洗頭嘅時候，個髮型師不斷借意用個胸頂我條頸，又暗示我有特別服務提供，我聽完價錢後就試咗個Hand Job，手勢都算幾好，服務期間仲可以任我手多多。而且個髮型師剪髮技巧都唔錯，應該真係受過訓練嘅，就算無意幫襯另類服務，單係剪髮時有啲性感靚女睇吓，都夠過癮啦！」

呢間Salon提供全套髮型服務，例如剪髮、電髮、挑染及頭髮護理，價錢由一百五十美元起，而特別服務則視乎所選髮型師質素而定，最平一百美元起有交易，加上髮型服務及小費，大約三百美元，同喺香港去啲貴價Salon整頭差唔多，都算OK啦！